PAMPANGA, Philippines — Kumubra ng dalawang gintong medalya sina Susan Larsson at Jhondi Wallace sa wakeskate finals ng wakeboard at waterski competition ng 30th Southeast Asian Games kahapon dito sa Deca Wake Park Clark.
Kumolekta si Larsson ng 61.00 points para biguin sina Thip Penpayap (50.00) ng Thailand at Alysha RIzwan (39.33) ng Singapore.
Nagtala naman si Wallace ng 70.33 points para talunin sina Polapat Romchatngoen (67.00) ng Thailand at kababayang si Christian Joson (64.33).
Samantala, nag-ambag si Samantha Bermudez (62.67) ng silver medal matapos matalo kay Patcharapon Jungguluam (72.33) ng Thailand sa women’s wakeboard event.
Ang silver at bronze medal naman ang kontribusyon nina Raphael Trinidad (69.33) at Ralph Gelo Villaro (61.00), ayon sa pagkakasunod, sa men’s wakeboard.