PetroGazz pupuwesto na sa semis vs Air Force
MANILA,Philippines — Pakay ng PetroGazz na maipormalisa ang pag-entar sa semis sa pagharap nito sa mapanganib na Philippine Air Force sa pagpapatuloy ng 2019 Premier Volleyball League (PVL) Open Conference ngayong araw sa The Arena sa San Juan City.
Magkukrus ang landas ng Gazz Anges at Lady Jet Spikers sa alas-6 ng gabi habang target ng nagdedepensang Creamline na mapanatiling malinis ang kanilang record sa pakikipagtipan sa Pacific Town-Army sa alas-4.
Nahulog sa 9-4 marka ang PetroGazz matapos lumasap ng dalawang sunod na kabiguan sa kamay ng Creamline at Motolite noong nakaraang linggo.
Isang panalo na lang ang kailangan ng Gazz Angels para masungkit ang ikatlong semis spot.
Nauna nang umabante sa semis ang Creamline (13-0) at BanKo (10-5).
Kaya naman aariba ng husto ang Gazz Angels upang makaiwas sa mas kumplikadong sitwasyon.
Hahataw para sa PetroGazz sina Jovielyn Prado, Jeanette Panaga, Cherry Rose Nunag, Jonah Sabete, Paneng Mercado at Cai Nepomuceno-Baloaloa habang magsasalitan sa setting chores sina Djanel Cheng at Chie Saet.
- Latest
