France 3rd place sa World Cup; USA pang-pito
Chris Co (Pilipino Star Ngayon) - September 16, 2019 - 12:00am

MANILA, Philippines — Isang solidong second half ang inilatag ng France para pigilan ang Australia, 67-59, at makuha ang bronze medal sa 2019 FIBA World Cup kahapon sa Wu­kesong Arena sa Beijing, China.

Kumana si Nando De Co­lo ng 19 points, 3 assists, 2 rebounds at 2 steals at nag-ambag si Orlando Ma­gic star Evan Fournier ng 16 markers at 5 boards para manduhan ang France.

Nagbigay din ng ma­gandang kontribusyon sina Charlotte Hornets ace Ni­colas Batum at Andrew Al­bicy na gumawa ng tig-siyam na puntos at Vincent Poirier ng Boston Celtics na nagdagdag ng walo.

Nagkasya sa ikaapat na puwesto ang Australia na nakakuha ng 17 mar­kers mula kay Joe Ingles.

Nagawang makuha ng Australia ang 30-21 ka­lamangan sa pagtatapos ng first half.

Ngunit pumutok nang husto ang France sa se­cond half matapos kumana ng 46 puntos kumpara sa 29 na nagawa ng Aussies.

Tumapos naman sa ikapitong puwesto ang Team USA – ang pinaka­ma­­samang pagtatapos sa na­kalipas na mga dekada.

Winakasan ng Amerika ang kampanya hawak ang 6-2 baraha kabilang ang 84-74 pananaig sa Poland sa huling araw ng classification round.

Sa kabila ng masaklap na kampanya ay uuwi ang American team na naka­taas ang noo.

2019 FIBA WORLD CUP
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with