Petron, F2 Logistics asam ang Finals

MANILA, Philippines — Pakay ng nagdedepensang Petron at F2 Logistics na muling maitakda ang Fi­nals rematch sa pagsa­gupa sa kanilang mga ka­ribal sa semifinal round ng Philippine Superliga All-Filipino Conference sa Muntinlupa Sports Center.

Makakatipan ng Blaze Spikers ang Cignal nga­yong alas-7 ng gabi, habang aarangkada naman ang Cargo Movers kontra sa mapanganib na Foton sa alas-4:15 ng hapon.

Parehong armado ng ‘twice-to-beat’ advantage ang Petron at F2 Logistics matapos makuha ang Top 2 sa classification round.

Nakapasok sa semis ang Blaze Spikers nang ilampaso ang rookie team Ma­rinerang Pilipina sa quarterfinals.

Masaya si Petron head coach Shaq Delos Santos dahil nasa tamang panahon ang “peak” ng kanyang tropa.

“I’m glad that our pla­yers are playing on top of their game, but this semifi­nals we have to be more eager. We have to be more ag­gressive and sustain the level of our game for us to achieve our goal,” ani Delos Santos.

Ipaparada ng Blaze Spi­kers ang matikas na tambalan nina Sisi Rondina at Bernadeth Pons kasama sina Frances Molina, Ai­za Maizo-Pontillas, Mika Re­yes, Rhea Dimaculangan at Denden Lazaro.

Mataas naman ang mo­­ral ng HD Spikers na ga­ling sa 25-15, 17-25, 25-18, 25-22 panalo sa Generika-Ayala sa quarters.

Solido rin ang lineup ng Cignal sa pagbibida nina Ra­chel Anne Daquis, Jo­ve­lyn Gonzaga at Fil-Am Alo­hi Robins-Hardy.

“We’re excited because even they swept us in the preliminary round, we still pushed them to their limits,” ani HD Spikers mentor Edgar Bar­roga.

Magugunitang pinahirapan ng Cignal ang Petron bago kunin ang dalawang five-set wins sa classification round.

Sa kabilang banda, aa­riba para sa Cargo Mo­vers si­na Kalei Mau, Ara Ga­lang, Aby Maraño, Majoy Ba­ron, Kim Fa­jardo at Dawn Macandili para tapatan ang Foton na mamanduhan nina Jaja San­tiago at Dindin Santiago-Manabat.

“Our team is very eager to return in the Finals be­cause we have an unfi­nished business. But facing Fo­­ton is not easy so we have to double our efforts against them,” ani F2 Logistics coach Ramil De Jesus.