Ika-12 tangka ng Ateneo; La Salle ikakasa ang semis
Laro Ngayon(MOA, Pasay City)
2 p.m. ADMU vs UST (M)
4 p.m. UP vs DLSU (M)
MANILA, Philippines — Target ng nagdedepensang Ateneo ang pang-12th panalo sa pagharap laban sa UST habang hangad naman ng La Salle ang ikatlong semifinal berth kontra sa UP ngayon sa pagpapatuloy ng Season 81 UAAP men’s basketball tournament sa Mall of Asia Arena sa Pasay City.
Tangan ang 11-2 win-loss kartada, haharapin ng Blue Eagles ang wala ng pag-asang University of SantoTomas Growling Tigers sa alas-2 ng hapon at sa ibang laro, kailangan ng De La Salle Green Archers na mananalo laban sa University of the Philippines Fighting Maroons sa kanilang laban sa alas-4 ng hapon upang masiguro na ang pagpasok sa Final Four.
Tanging ang nangungunang Blue Eagles (11-2) at pumapangalawang Adamson Soaring Falcons(10-3) pa lamang ang pumasok sa semifinal round at nasa kanilang kamay na rin ang dalawang twice-to-beat advantage sa Final Four bilang top two seeded teams.
Pag-aagawan ng Green Archers (8-5), FEU Tamaraws (7-6) at UP Fighting Maroons (7-6) ang huling dalawang semifinal berth.
Kung magwawagi ang La Salle laban sa UP makukuha na ng Taft-based team ang ikatlong semis berth pero hindi pa ganap na magwawakas ang pag-asa ng Fighting Maroons dahil kung matatalo naman ang Tamaraws sa Adamson Falcons sa Linggo, magkaroon pa ng two-way tie sa huling slot ng Final Four sa parehong 7-7 card.
Kung magtatabla sa No. 4 spot ang UP at FEU sa posibleng 7-7 card, malaki ang bentahe ng Tams dahil tinalo nila ang Fighting Maroons ng mahigit 16 puntos, 89-73 sa first round ng elimination, bago bumawi ang UP sa second round, 95-82.
Ngunit kung sakaling mananalo ang UP sa DLSU ngayon, pareho silang mananatili sa Final Four sa parehong 8-6 slate at kung matatalo ang FEU sa Adamson sa Linggo kumpleto na ang semis cast.
- Latest