San Beda dale ang No. 1
Laro sa Martes(Filoil, San Juan)
12 nn. SSC vs AU (Srs)
2 p.m. SBU vs UPHSD (Srs)
4 p.m.- CSJL vs CSB (Srs)
MANILA, Philippines — Pinalubog ng nagdedepensang San Beda University ang Lyceum of the Philippines, 75-68 upang masungkit ang top seeding sa Final Four kahapon sa NCAA Season 94 men’s basketball tournament sa The Arena sa San Juan City.
Mabangis ang Red Lions na umabante sa 16-1 rekord para mapatatag ang kapit sa No. 1 spot.
Mainit ang palad ni James Kwekuteye na gumawa ng career-high 18 points kasama ang anim na rebounds para tulungan ang usual suspects na humahakot ng puntos para sa Red Lions.
Solido pa rin si Robert Bolick na umiskor ng 18 markers gayundin sina Donald Tankoua (15 points at 14 rebounds) at Javee Mocon (13 points at 10 boards) na parehong may double-double showing.
Hindi nakaalagwa ang Pirates na nahulog sa 15-3 baraha sa kanilang huling laro sa eliminasyon.
Umiskor ng 16 puntos si Mike Nzeusseu habang nagdagdag si Jaycee Marcelino ng 14 markers para sa Lyceum.
Nalimitahan lamang sa siyam si reigning MVP CJ Perez sa 28 minutong paglalaro.
Magsisimula ang Final Four sa Oktubre 26 at kung aabot sa rubber match, lalaruin ito sa Oktubre 29 na parehong idaraos sa The Arena.
Nakatakda naman ang finals sa Nobyembre 6 (Game 1) at 15 (Game 2) sa Mall of Asia Arena sa Pasay City.
Sa juniors, pinataob ng San Beda ang Lyceum, 83-76 tampok ang double-double 14-point, 13-rebound output ni Jade Talampas para magarbong tapusin ang eliminasyon.
Sa semis, makakasagupa ng No. 3 San Beda (12-5) ang No. 2 Mapua (14-4) habang titipanin ng top seed La Salle Greenhills (15-2) ang No. 4 Jose Rizal University (11-7).
Armado ang Red Robins at Junior Blazers ng twice-to-beat advantage.
- Latest
