Pamatay na kamao ni Pacman nagbalik na
MANILA, Philippines — Tunay na nagbalik na ang angas ni eight-division world champion Manny Pacquiao.
Kitang-kita ito nang paulanan ng Pinoy boxing sensation ng matatalim na suntok si Lucas Matthysse para maitala ang seventh-round technical knockout win kahapon at matamis na masungkit ang World Boxing Association welterweight belt sa Kuala Lumpur, Malaysia.
Base sa naitalang rekord ng CompuBox, naglatag si Pacquiao ng 344 kabuuang suntok kung saan 95 dito ang tumama kay Matthysse.
May 79 naikonekta si Pacquiao mula sa tinatawag na ‘power-punch’ - na pamatay na suntok ni Pacquiao na kinatatakutan ng kanyang mga karibal.
Malayo ito sa nailista ng Argentinian pug na may naibatong 246 suntok – 57 lamang dito ang kumunekta kung saan 36 power punches lamang ang nakuha ni Matthysse.
Gamit ang naturang suntok, napabagsak ni Pacquiao si Matthysse ng tatlong beses. Isa sa third round na sinundan ng isa pa sa fifth round bago tuluyang pasukuin si Matthysse sa seventh round.
Ito ang ika-39 KO win ni Pacquiao sa kanyang kabuuang 69 laban sa kanyang karera. (CCo)
Related video:
- Latest
