PayMaya hinataw ang Iriga sa Batangas
Laro Ngayon(Batangas)
2pm Petro Gazz vs BanKo
4pm Pocari vs Creamline
MANILA, Philippines — Napigilan ng PayMaya ang hamon ng Iriga-Navy, 25-23, 22-25, 25-20, 25-23 upang umabante sa unahan ng standings ng 2018 Premier Volleyball League Reinforced Conference kahapon sa Batangas City Sports Coliseum sa Batangas.
Mainit pa rin ang palad ni import Tess Rountree matapos pumalo ng 20 attacks, dalawang blocks at dalawang aces kasama pa ang 24 receptions at siyam na digs para pamunuan ang High Flyers na makuha ang ikatlong panalo sa apat na laro at okupahan ang liderato.
Nakakuha si Rountree ng sapat na tulong mula sa local players gaya nina Aiko Urdas, Jerrili Malaban at kina Jasmine Nabor at libero Lizlee Pantone.
Nakaporma na sana ang Lady Oragons sa tangkang maipuwersa ang fifth set nang kunin nito ang 21-16 kalamangan sa ikaapat na kanto sa likod nina imports Macy Ubben at Lauren Whyte.
Ngunit naglunsad ng matinding atake ang High Flyers matapos pamunuan nina Rountree, three-time NCAA MVP Gretchel Soltones at Shelby Sullivan ang 7-1 run ng tropa para maagaw ang 23-22 lead tungo sa panalo.
- Latest
