MANILA, Philippines — Maraming mga presidente ng iba’t ibang universities at colleges sa buong bansa ang nagkumpirmang dadalo sa PSC National Consultative Meeting on Collegiate Sports ngayon hanggang bukas sa Multi-Purpose Arena sa Philsports Complex sa Pasig City.
Dahil sa positibong resulta sa attendance, malaki ang tiwala sa matagumpay na pagdaraos sa dalawang araw na pagtitipon para pag-usapan ang united collegiate sports program sa bansa.
“I am looking forward to this meeting. I see a fruitful exchange of ideas. We will not pretend to solve everything but we can start,” sabi ni Ramirez.
Sinabi pa ni Ramirez na ang naturang plano para sa collegiate sports ay importante upang maitayo ang malakas na programa sa elite level.
“If we could strengthen grassroots sports, strengthen school and university sports, we give a stronger foundation for our elite sports,” dagdag ni Ramirez.
Si senator Sonny Angara ang keynote speaker sa nasabing event na dadaluhan din ni Rep. Mark Zambar.
Ang iba pang dadalo ay si Commission on Higher Education (CHED) secretary Patricia Licuanan, Executive Secretary Salvador Medialdea, Special Assistant to the President Christopher “Bong” Go, Presidential Management Staff Asec Joseph Encabo, Presidental Adviser for Sports Dennis Uy, Sen. Loren Legarda at Sen. Manny Pacquiao.