MANILA, Philippines - Maglalaro si Marcus Douthit para sa Gilas Pilipinas sa 5th FIBA Asia Cup sa Wuhan, China na nakatakda sa Hulyo 11-19.
Ito ang posibleng huÂling pagkakataon na kakampanya si Douthit para sa national team.
Naghahanda na si Andray Blatche na saluhin ang kanyang maiiwang trabaho sa paglahok ng Gilas Pilipinas sa FIBA World Cup sa Spain na nakatakda sa Agosto 30 hanggang Setyembre 14.
Kasalukuyang nag-eÂensayo ang 34-anyos na si Douthit sa US at nakatakdang buÂmalik sa bansa isang linggo bago magpatawag si Gilas coach Chot Reyes ng traiÂning camp sa Hulyo 1.
Inaasahang matatapos ang PBA Governors Cup sa Hulyo 9 na magbibigay ng sapat na panahon sa mga Gilas players na nagÂlalaro sa kanilang mga koponan sa PBA tournament na makapaghanda para sa FIBA Asia Cup.
Nagsumite si SBP exeÂcutive director Sonny Barrios ng listahan ng 21 plaÂyers sa FIBA Asia Cup organizers noong Hunyo 11, ang deadline para sa mga participating countries na ibigay ang kanilang mga lineups na may 24-man limit.
Sa Hulyo 2 ang 10 koÂpoÂnang kalahok ay magsusumite ng kanilang final 12-man rosters.
Hindi maglalaro si Blatche sa Wuhan para duÂmalo sa negosasyon kaÂugnay sa kanyang NBA contract.
Plano niyang gamitin ang kanyang option para maging free agent sa pagtatapos ng kanyang kontrata sa Brooklyn Nets sa Hunyo 30.