Federer pasok sa 4th round ng US Open

NEW YORK - Posibleng magtagpo sa quarterfinal round sina Roger Federer at Rafael Nadal sa matapos ta­lunin ang kanilang mga kalaban sa U.S. Open.

Hindi pa naglalaban ang dalawang magkaribal sa pi­nakahuling grand slam ngayong taon.

Umiskor si Federer ng isang 6-3, 6-0, 6-2 panalo laban kay Frenchman Adrian Mannarino at nakatutok na sa po­sible nilang pagtatagpo ni Nadal.

Binigo ni Nadal si Ivan Dodig ng Croatia, 6-4, 6-3, 6-3.

Umabante din sa quarterfinals si French Open runner-up David Ferrer matapos igupo si Mikhail Kukushkin, 6-4, 6-3, 4-6, 6-4.

Sa women’s division, napatalsik sina dating world No. 1 Caroline Wozniacki at 2011 Wimbledon champion Petra Kvitova.

Giniba ni Camila Giorg si Wozniacki, 4-6, 6-4, 6-3, at gin­itla ni Flavia Pennetta si dating U.S. Open champion Svetlana Kuznetsova 7-5, 6-1.