Tinuldukan na ang pamamayagpag ng lider ng Lucky Bertiz criminal group matapos itong maaresto ng RID-RSOG NCRPO sa pamumuno ni Lt. Aldrick Zamora sa direction ni Lt.Col. Wilfredo V. Sy, hepe ng Regional Special Operation Group. Ayon kay NCRPO chief M/Gen. Jonnel C. Estomo, noong Enero 29, naaresto sa NAIA Terminal 3, Pasay City si Romeo Patalinghug Jr. y Ciuzon, alias “Jun Jun Ugis/ Inggo, 34, sa bisa ng warrant of arrest sa kasong rape na ipinalabas ni Hon. Judge Princess Ma. Bajarias-Hermogeno ng Family Court, National Capital Judicial Region, Manila noong May 16, 2022. Bukod sa rape, may kaso pa itong robbery/theft at illegal drugs sa Makati City, Pasay City, Las Piñas City, Muntinlupa City, at Parañaque City.
Nadagdagan na naman ang magandang accomplishment ng mga masisipag na pulis sa liderato ni M/Gen. Estomo. Hindi sila tutulug-tulog sa pansitan kaya tiyak na malilipol ang mga criminal na nagtatago sa batas. Ayon kay Estomo, “We will be persistent with our effort against wanted persons in the Matro Manila. I greatly appreciate the effort and dedication of our personnel in rendering their duty and hunting down persons with standing warrants of arrest. We guarantee to invigorate our effort through the implementation of S.A.F.E. NCRPO Program to ensure that these persons will made or answer for the charges filed against them in the courts of law”.
Mukhang may naghihintay na magandang posisyon kay Estomo sa pagbaba ni PNP chief Gen. Rodolfo Azurin, di ba DILG Sec. Benhur Abalos sir? Sa kasipagan kasi ni Estomo sa paglipol sa mga kriminal tiyak na may puwesto siya sa administrasyon ni President Ferdinand Marcos Jr. Siyempre kasama rin sina Col. Romano Cardino, Lt/Col. Wilfredo Sy at Lt. Andrick Zamora at mga tauhan nito. Saludo ako sa inyo!