Sa nagdaang 2021 nagsimulang malutas ng mundo ang COVID-19 ng bakuna at gamot. Ngayong 2022, masasanay tayo sa mga bagong realidad. Sampung pagbabago at kaganapan ang inaasahan ng mga eksperto ng The Economist:
(1) Lalala ang hidwaan ng America at China. Demokrasya ba o diktadurya ang mainam sa kalakalan, teknolohiya, at medisina?
(2) Mai-immune ang mayorya ng tao sa mundo sa COVID-19. Matuturing na karaniwang flu virus na lang ang SARS-CoV-2. Mag-a-outbreak na lang ito tuwing taglamig at sa mahihirap na bansa.
(3) Magmamahal ang mga bilihin dahil kakapusin ang petrolyo. Kakapusin din ang skilled labor sa enerhiya at paggawa ng kotse.
(4) Mananatili ang work-from-home, lalo na ang mga nanay at buntis. Isyu ang pagbubuwis sa kanila at promotion sa trabaho.
(5) Maghihigpit ang mga gobyerno kontra pagmamanipula ng facebook, tiktok, at iba pa sa utak ng online users. Mauuso ang online sa bentahan, hindi na sa games. Gagamitin ito ng China sa pandigma.
(6) Maglalabas ang bawat bangko sentral ng crypto-currencies.
(7) Lalala ang mga baha, tagtuyot at wildfires sa mundo. Pero babalewalain pa rin ng mga gobyerno ang global warming na dulot ng polusyon. Grabe sa lahat ang China at America.
(8) Mauuso uli ang pagbiyahe sa lokal at abroad. Turismo ang bubuhay sa maraming ekonomiya, maski pangit ang mga hotel, resorts, sasakyan at serbisyo.
(9) Dadagsa ang space travel ng mayayaman. Darami ang space stations at paliliparing space craft sa buwan, Mars at Jupiter. Titindi ang girian ng militar ng America, China at Russia sa outer space at sa buwan.
(10) Mapupulitika ang sports – Winter Olympics sa Beijing at football World Cup sa Qatar – ng mga tutuligsa sa diktadurya.
May sarili akong «hula»: Mabubuwisit ang mga nag-iisip na Pilipino sa bugok na pulitika. Mawawalan sila ng ganang magbayad ng buwis. Ilalantad ang katiwalian at abuso ng dynasties.