MANILA, Philippines — Drug den sinalakay: 5 arestado Nalansag ang isang drug den kasabay sa pagkakaaresto sa limang katao sa isinagawang buy-bust operation ng mga tauhan ng District Drug Enforcement Unit ng Southern Police District (SPD), sa Pasay City, Miyerkules ng hapon.
Kabilang sa nadakip ang maintainer ng drug den na kinilalang si Vicente Galura, isang high value individual (HVI), Jomar Areglado Realingo, Ted Gonzales Torres, Leksis Bunyi Gentauco, at Victor Silacay, na pawang itinuturing na street value individuals (SLI).
Sa ulat na isinumite kay SPD Director P/Brig. General Kirby John Brion Kraft dakong alas-2:30 ng hapon nang maganap ang buy-bust operation sa Barangay 127, Pasay City laban kay Galura at sa mga kasabwat nito sa pagpapatakbo sa nasabing drug den.
Nakumpiska ang nasa 300 gramo ng shabu na nagkakahalaga ng P204,000 at mga drug parahernalia.