MANILA, Philippines — Nabakunahan na laban sa COVID-19 ang lahat ng 595 bilanggo sa Quezon City Jail Female Dormitory.
Ayon sa Bureau of Jail Management and Penology (BJMP), ang naturang mga inmates ay binakunahan sa isinagawa nilang mass vaccination sa loob ng jail facility kahapon.
Ang mga naturang inmates ay nabigyan ng first shot ng Sinovac vaccine na gawa sa bansang China.
“BASTA BAKUNADO, PROTEKTADO! All 595 Persons Deprived of Liberty (PDL) of Quezon City Jail Female Dormitory have received the first shot of Sinovac during the mass vaccination conducted inside the jail facility today, July 29, 2021,” anunsiyo pa ng BJMP .
Anang BJMP, layunin nang pagbabakuna na matiyak na protektado laban sa virus maging ang mga PDLs.
Matatandaang mas mabilis na kumalat ang COVID-19 sa loob ng mga bilangguan dahil na rin mahirap magpatupad ng physical distancing sa mga inmates doon.