Wag daw hulihin
MANILA, Philippines — Matapos mapaulat ang pag-aresto sa mga siklista dahil sa hindi pagsusuot ng face shields, muling iginiit ng Department of Health (DOH) na ‘exempted’ sa paggamit nito ang mga bikers at mga aktibong transport users dahil maaring maging dahilan ito ng pagkadisgrasya.
Ayon sa kagawaran, ilang memorandum na ang naglinaw na hindi nire-require ang pagpapasuot ng face shields sa mga taong nasa “strenuous activities/work, fine workmanship, operation of transportation vehicles, and active transport are exempted from wearing face shields” dahil maari itong maging dahilan ng vision impairment.
Binigyang-diin pa ng DOH na sa isang joint administrative order ay nagsasabing dapat na gumamit naman ng face shields bago at pagkatapos ng cycling at iba pang katulad na aktibidad.
Ang active commuters naman ay pinaalalahanan na sundin ang health protocols katulad ng physical distancing.