P200 milyong cash assistance para sa ‘left-out households’ sa Parañaque

MANILA, Philippines — Makatatanggap ng cash assistance mula sa Parañaque Government ang mga ‘left-out households’ o pamilyang hindi pa nakatatanggap ng anumang ayuda na naipagkaloob ng national government.

Sinabi ni Parañaque City Mayor  Edwin Olivarez na idadaan niya sa UnionBank EON VISA Card ang pamamahagi ng Paraña-cash Covid-19 Assistance Program para mas mabilis, ma-ginhawa at sa pamamagitan lang ng online disbursement .

Sa susunod na linggo na magsisimulang maipamahagi ang EON Visa card  para sa eligible residents matapos malagdaan kamakailan ng UnionBank at Pasay Gov’t. ang  memorandum of agreement (MOA).

Sa pamamagitan ng EON card, maaari nang i-withdraw sa alinmang automated teller machine, magamit sa pagbabayad ng online bills at pagbili ng beneficiaries ang tig P5,000 cash assistance.

Nilinaw niya na ang ma­kikinabang sa nasabing cash aid ay ang mga hindi pa na­­katanggap ng Social Ame-lioration Program, expanded 4Ps, at COVID-19 Adjustment Measures Program ng Department of Labor and Employment (DOLE).

“A total of 50,000 qualified households will receive a P5,000 cash assistance within the month,” ani Olivarez.