Sa konstruksyon ng Skyway 3 project
MANILA, Philippines — Matinding pagbubuhol ng trapiko ang naranasan ng mga motoristang buhat sa Northern Metro Manila partikular sa Southbound lane ng EDSA dahil sa konstruksyon ng Skyway 3 Project sa may Balintawak, Quezon City.
Umabot sa may Monumento sa Caloocan City habang apektado rin ang MacArthur Highway, Samson Road at Rizal Avenue Extension sa mabigat na trapiko nang ipasara ng Metropolitan Manila Development Autho-rity (MMDA) ang dalawang lane sa EDSA-Balintawak. Umabot din sa bungad ng North Luzon Expressway (NLEX) ang pagbubuhol ng trapiko.
Nitong Pebrero 24 ng gabi inumpisahan ang pagsasara ng dalawang southbound lane para sa pagtatayo ng ‘inter-connection flat tower’ sa ibabaw ng EDSA-Balin-tawak Bridge.
Nagpatupad naman ang mga tauhan ng MMDA ng ‘stop and go scheme’ para sa mga sasakyang paakyat ng Cloverleaf at sa mga galing ng Caloocan patungo ng Quezon City.