‘Tulak’ utas sa buy-bust

MANILA, Philippines — Dead on arrival sa Jose Reyes Memorial Medical Center (JRMMC) ang isang 21-anyos na ‘tulak’ ng iligal na droga nang manlaban  sa isinagawang buy-bust operation sa Old Antipolo, Sta Cruz, Maynila, kaha-pon ng madaling araw.

Nakilala ang nasawi na si Jomar Bigkas, alyas Jomar, residente ng Base-co Compound, Port Area, Maynila.

Sa inisyal na ulat ng   Manila Police District-Station 3, dakong alas-11:20 ng gabi nang ikasa ang operasyon ng mga tauhan ng  MPD-Station 3 laban sa suspect .

Nang makabili ang poseur-buyer ng halagang P500 shabu mula sa suspek na nag-ooperate sa eskinita malapit sa riles ng Philippine National Railways (PNR) sakop ng  Brgy. 349, Z-35, ay agad na po­mo­­sisyon ang iba pang kasamahang operatiba at nakita ang paglabas ng target na si Jomar.

Pinasok din ng mga ope­ratiba ang eskinita at doon na nakahalata ang suspek kaya agad na bumunot ng baril at pinaputukan ang mga papalapit na pulis subalit hindi tumama.

Sa pagresbak ng pu-tok ng isa sa operatiba ay tinamaan sa katawan ang suspek na bumulagta sa kalye.

Narekober mula sa suspek ang marked money na ginamit sa buy-bust, isang kalibre 38 baril na may 2 bala at anim na sachet ng shabu.