MANILA, Philippines - Sugatan ang dalawa ka-tao matapos magkaram-bola ang tatlong sasakyan kahapon ng madaling araw sa Makati City.
Kaagad na dinala sa Makati Medical Center (MMC) ang mga sugatang biktima na sina Felyn Andallon, 20, at Louie Mark Lorenzo, 28, ng Brgy. Palo, Bulacan, kapwa sakay ang mga ito ng isang Toyota Vios (ABD-937).
Nagtamo ang mga ito ng sugat sa ulo at katawan.
Sa report, naganap ang insidente alas-4:00 kahapon ng umaga sa panulukan ng Nicanor Garcia St., at Buendia Avenue, Brgy. Bel Air ng naturang siyudad.
Nabatid na binabagtas ng isang pampasaherong jeep at isa pang Toyota Vios ang naturang lugar, kapwa tumigil ang mga ito dahil na naka-pula ang traffic light.
Siya namang pagdating ng sinasakyang Toyota Vios nina Andallon at Lorenzo at aksidenteng nabangga nito ang nakatigil na jeep hanggang sa nasalpok din ng jeep ang Toyota Vios, na nagresulta ng karambola.
Nagdulot ng masikip na daloy ng trapiko sa mga motorista ang naturang aksi- dente.