MANILA, Philippines – Makalipas ang tatlong linggo, nakauwi na ang unang naiulat na nawawalang estudyante ng University of the Philippines.
Kinumpirma ni UP Diliman Chancellor Michael Tan na nakauwi na si freshman engineering student Ian Jasper Calalang sa kaniyang bahay sa Cainta, Rizal.
"UP is relieved he returned home safety," mensahe ni Tan sa STAR.
Hindi na ipinalaam pa kung ano ang nangyari sa estudyante na kumalat ang larawan sa social media matapos mawala.
Sa ulat ng The Philippine Collegian, ang student publication ng UP, sinabi ng pamilya ni Calalang na ligtas ang kanilang anak at ipinalaam na sa pulisya ang pag-uwi niya.
Nawala ang freshman student noong Enero 12, araw ng enrollment para sa ikalawang semestre ng UP.