MANILA, Philippines – Natagpuan ang isang kalansay ng tao sa isang bakanteng lote na taniman ng gulay na pag-aari ng isang duktor sa Muntinlupa City kahapon .
Sa report na natanggap ni Police Sr. Supt. Nicolas Salvador, Officer-In-Charge (OIC) ng Muntinlupa City Police, alas-11:00 ng umaga nang matagpuan ng mga naglilinis na sina Luis Paguio at Michael Pareno ang isang kalansay ng tao sa isang bakanteng lote sa Block 2K, Emerald Hills, Victoria Homes, Brgy. Tunasan ng naturang lungsod. Ang naturang lote ay taniman ng mga gulay, na pag-aari ng isang Dr. Patdu.
Kaagad na ipinagbigay alam nina Paguio at Pareno ang insidente sa tanggapan ng Muntinlupa City Police.
Inaalam pa ng pulisya ang kasarian nito at iniimbestigahan na rin nila kung bakit may kalansay ng tao sa naturang lugar.
Ang naturang kalansay ay nakalagak ngayon sa Benson Funeral Homes para sa safekeeping.