MANILA, Philippines – Patay ang isang 52-anyos na fruit checker nang tadtarin ng saksak ng hindi pa tukoy na salarin sa Gate 15 Parola Compound, Tondo, Maynila kahapon ng umaga.
Kinilala ang biktimang si Reynaldo Gonzales ng Asuncion Extension st.,Tondo.
Sa ulat ni PO3 Marlon San Pedro ng Manila Police District-Homicide Section, naganap ang insidente dakong alas-6:30 ng umaga sa Manila International Container Port (MICP) Access Road, Gate 15 Parola.
Nabatid na hinihintay ng biktima ang kanyang nobya nang bigla na lang atakehin ng saksak ng suspect.
Iniwan ng suspek ang biktima nang duguan na itong bumagsak sa kalye.
Inaalam pa ang pagkilanlan ng suspek at kung ano ang motibo sa krimen.