MANILA, Philippines – Mariing kinondena ng hanay ng lesbian, gay, bisexual at transgender (lgbt) community sa bansa ang pagpaslang ng Amerikanong sundalo sa isang transgender.
Ayon kay Corky Hope, spokesperson ng grupong Kapederasyon sa nangyari sa transgender na si Jeffrey “Jennifer” Laude ay nagpapakita lamang ito ng kawalang-respeto ng mga Amerikanong sundalo sa batas ng ating bansa
Binigyang diin din ng grupong Kapederasyon na ang visiting forces agreement (VFA) ay hindi patas na kasunduan ng Pilipinas at Estados Unidos dahil nangingibabaw ang pagiging mataas ng mga kano kahit na sila ay nasa ating bansa.
Sinasabing ang pumaslang kay Laude ay isa sa mga sundalong naipadala sa ating bansa dahil sa VFA.
Una rito, nagsagawa ng kilos protesta ang naturang grupo para kondenahin ang naturang pamamaslang.