MANILA, Philippines - Bulagta ang isang negosÂyanteng mister matapos itong pagbabarilin ng tatlong armadong lalaki habang nagpapakarga ng gasolina sa kanyang sasakyan sa gasolinahan sa Makati City kahapon ng umaga.
Kinilala ang biktimang si Mark â€Dodong Bagang†Felizardo, may negosyong buy-and-sell ng mga sasakyan at residente sa Evangelista Street, Barangay Bangkal sa naturang lungsod.
Sa inisyal na pagsisiyasat ni SP01 Rico Caramat ng Homicide Section, Station Investigation Branch (SIB), Makati City PNP, naganap ang krimen bandang alas-8:30 ng umaga sa Petron Gasoline Station sa panulukan ng Arguilles at Evangelista Street sa nasabing lungsod.
Nabatid na sakay ang biktima ng Toyota Altis at habang nagpapakarga ng gasoline ay nilapitan at niratÂrat ng tatlong lalaki na lulan ng motorsiklo.
Matapos ang pamamaril ay mabilis namang nagsitakas ang gunmen kung saan narekober ng pulisya sa crime scene ang mga basyo ng M16 Armalite rifle, cal. 45 pistol at cal.9mm pistol.