MANILA, Philippines - Utas ang isang hinihinalang ‘tulak’ ng droga na kalalabas pa lamang mula sa Pasay City Jail maÂtapos itong pagbaÂbarilin ng hindi pa kilalang suspek kamaÂkalawa ng gabi sa naÂturang lungsod.
Dead-on-arrival sa Pasay City General Hospital ang biktimang si Jeffrey Parino, 21, ng M. Dela Cruz St., Pasay City, sanhi ng tinamong ilang tama ng bala sa mukha at likod buhat sa hindi pa batid na kalibre ng baril.
Lumalabas sa pagsiÂsiyasat ng Pasay City Police, naganap ang insidente alas-9:30 ng gabi sa harapan ng Yankee Store, panulukan ng M. dela Cruz at D. Jorge Sts., Brgy. 129 ng naturang lungsod habang ang biktima at ang kanyang kaibigan ay naglalaro ng dice nang sumulpot ang suspek na sakay ng isang bisikleta.
Binati muna nito ang biktima sabay bunot ng baril at walang sabi-sabing binaril ang una at pagkatapos ay mabilis na itong tumakas.
Ayon sa pulisya, base sa kuha ng CCTV caÂmera, ang suspek ay tinatayang nasa 25 hanggang 30-anyos, may katabaan, nakasuot ng sombrero at kulay puting t-shirt at shorts.
Napag-alamang kalalaya lamang ng biktima mula sa pagkakakulong nito sa Pasay City Jail noong Disyembre, 2013 sa kasong may kaÂugnayan sa droga.
Posible rin umanong may koneksyon dito ang ginawang pagpaslang sa biktima.