MANILA, Philippines — Lalong bumaba ng 25% ang mga nagtitiwala sa pagbibigay ng bakuna sa mga paslit sa gitna ng COVID-19 pandemic, dahilan para maisama ang Pilipinas sa mga bansang may pinakamaraming "zero-dose children" sa buong mundo.
Ito ang ibinahagi ng UNICEF, Martes, sa pagpapatuloy ng World Immunization Week 2023. Aniya, bumaba ang public perception sa kahalagahan ng mga bakuna para sa mga bata laban sa iba't ibang sakit sa 52 sa 55 bansang inaral.
Related Stories
"According to the Vaccine Confidence Project and published today by UNICEF, the perception of the importance of vaccines for children declined by about 25 [%] in the Philippines and by more than a third in the Republic of Korea, Papua New Guinea, Ghana, Senegal, and Japan after the start of the pandemic," sabi ng UNICEF sa isang pahayag kanina.
"Of the 67 million children globally, who missed out on routine vaccination between 2019 and 2022, 48 million did not receive a single routine vaccine, also known as 'zero-dose.' The Philippines has one million zero dose children, the second highest in East Asia and the Pacific Region, and the fifth highest globally."
Tanging Tsina, India at Mexico lang ang nanatili o gumanda ang perception sa kahalagahan ng bakuna.
Sa karamihan ng mga bansa, lumalabas na mas malaki ang posibilidad na magkaroon ng mababang tiwala ang mga taong edad 35-anyos pababa para sa mga bata matapos magsimula ang pandemya.
Gayunpaman, nananatiling mataas naman daw ang overall support sa mga bakuna sa ngayon. Sa kalahati ng 55 bansang inaral, lumalabas na 80% ang nagsabing mahalaga ito para sa mga bata.
Kasama sa mga ibinibigay na routine vaccination sa Pilipinas ay laban sa tuberculosis, hepatitis B, polio, pneumonia, measles, mumps, rubella, atbp.
Vaccine hesitancy sa Pilipinas
Ayon sa UNICEF, na isang ahensya ng United Nations na tumutugon sa kapakanan ng kabataan, maiuugnay sa cultural factors at takot sa kalusugan ng mga bakuna ang vaccine hesitancy sa Pilipinas.
"At the height of the COVID-19 pandemic, scientists rapidly developed COVID-19 vaccines that saved countless lives. But despite this historic achievement, fear, and disinformation about all types of vaccines circulated as widely as the virus itself," ani Catherine Russel, executive director ng UNICEF.
"This data is a worrying warning signal. We cannot allow confidence in routine immunizations to become another victim of the pandemic. Otherwise, the next wave of deaths could be of more children with measles, diphtheria, or other preventable diseases."
Matatandaang naglipana ang mga tutol sa pagbabakuna laban sa COVID-19 noong kasagsagan ng nakamamatay na virus sa Pilipinas.
Sa kabila nito, marami ring mga magulang ang natatakot maturukan ng bakuna ang kanilang mga anak gaya na lang ng ulat ng mga estudyanteng namatay diumano dahil sa pagtuturok ng dengvaxia laban sa dengue.
Ikinababahala ito ng UN body lalo na't nangyayari ito sa gitna ng "largest sustained backslide" sa childhood immunization sa 30 taon. Lumalabas din sa mga bagong datos na isa sa limang bata ang zero-dose sa mga pinakamahihirap na households, habang one in 20 lang ito sa mga pinakamayayaman.
Sa mga upper-middle-oncome countries, sinasabing halos walang gap sa pagitan ng urban at rural children pagdating papapabakuna. — may mga ulat mula kay Gaea Katreena Cabico