Naulila ni Ranara, bibigyan ng pabahay ng NHA
MANILA, Philippines — Bibigyan ng pabahay ng National Housing Authority (NHA) ang nauilila ng pamilya ni Jullebee Ranara, ang OFW na pinatay sa Kuwait.
Ayon kay NHA General Manager Joeben Tai, tugon ito ng kanilang hanay sa direktiba ni Pangulong Ferdinand Marcos Jr. na bigyan ng tulong ang pamilya ni Ranara.
Taos puso aniyang nakikiramay ang NHA sa pamilya ni Ranara.
Binisita ni NHA Officer-in-Charge Assistant General Manager Ibañez, kasama si NCR-North Sector Regional Manager Ar. Luis Bacamante ang burol ni Ranara sa Las Piñas City.
Tiniyak ng NHA sa pamilya na magkakaloob ang kanilang hanay ng tulong pabahay kung saan man nais nilang lugar.
Magugunitang pinatay at ginahasa ang 35-anyos na si Ranara ng anak ng kanyang employer sa Kuwait.
Nagpasalamat naman ang ama ni Ranara na si Romy sa tulong ng NHA.
“Maraming-maraming salamat kasi malaking tulong po na ibibigay, kasi ‘pag pinaalis kami dito, wala kaming mapupuntahan,” pahayag ni Romy Ranara.
- Latest