Pagbibitiw ni Azurin ‘di tinanggap ni Marcos
MANILA, Philippines — Tinanggihan ni Pangulong Ferdinand Marcos, Jr. ang courtesy resignation ni Philippine National Police (PNP) Chief, Gen. Rodolfo Azurin.
Sinabi ni Department of the Interior and Local Government (DILG) Secretary Benhur Abalos na nag-usap na sila ng Pangulo at mananatili si Azurin bilang hepe ng PNP.
Nilinaw din ni Abalos na hindi na kasama si Azurin sa mga iimbestigahan sa illegal na droga dahil malinis umano ang rekord nito.
Bukod kay Azurin, kasama rin sa 5-man panel si dating Defense Secretary Gilbert Teodoro, dating CIDG Chief at ngayo’y Baguio City Mayor Benjamin Magalong, at Office of the Presidential Adviser on Military Affairs’ Undersecretary Isagani Neres.
Hindi naman pinangalanan ni Abalos ang ikalimang miyembro ng advisory group alinsunod na rin sa kahilingan nito.
Nakatakdang magpulong sa susunod na linggo ang 5-man panel na magrerepaso sa courtesy resignations ng mga PNP senior officers. — Mer Layson, Doris Borja
- Latest
