154 pasyente inilikas dahil sa magnitude 6 na lindol sa Davao de Oro
MANILA, Philippines — Napilitang ilabas ang sanlaksang pasyente ng Davao de Oro Provincial Hospital matapos yanigin ng isang magnitude 6 na lindol na naitala sa bayan ng Compostela nitong Miyerkules ng gabi.
Matatandaang nangyari ang nasabing earthquake bandang 6:44 p.m., na naging dahilan ng pagkasugat ng ilan at pinsala sa mga imprastruktura at kabahayan ng mga residente.
"Last night there were some noted damages in some of the structures particularly in the payward as well as the dietary section of the [hospital's] building," wika ni Joseph Loy, program head ng Davao de Oro Provincial Disaster Risk Reduction and Management Office sa panayam ng ANC.
"Out of the 245 admissions, around 145 were transferred to the sports complex covered court last night. [An] additional nine patients [have] been transferred or referred to the Davao Regional Medical Center in Tagum City."
#EarthquakePH #EarthquakeDavaoDeOro#iFelt_DavaoDeOroEarthquake
— PHIVOLCS-DOST (@phivolcs_dost) February 1, 2023
Earthquake Information No.3
Date and Time: 01 February 2023 - 06:44 PM
Magnitude = 6.0
Depth = 028 km
Location = 07.65°N, 126.16°E - 009 km S 76° E of Compostela (Davao De Oro)https://t.co/WNARxBKq4w pic.twitter.com/8TjDqFNdzj
Pinayagan naman ang nalalabi pang mga pasyente na manatili sa mga bahagi ng ospital na na-assess bilang ligtas.
Umabot sa Intensity V (strong) ang lindol kahapon sa mga sumusunod na lugar:
- Compostela, Laak, Mabini, Maco, Maragusan, Mawab, Monkayo, Montevista, Nabunturan, New Bataan, at Pantukan, Davao de Oro
- Asuncion, Braulio E. Dujali, Carmen, New Corella, Santo Tomas at City of Tagum, Davao del Norte
- Baganga, Banaybanay, Boston, Cateel at Lupon, Davao Oriental
Nagbagsakan ang mga paninda sa isang tindahan sa Compostela, Davao de Oro matapos ang magnitude 6.0 na lindol na tumama sa New Bataan, Davao de Oro kaninang 6:44 p.m., February 1. #News5
— News5 (@News5PH) February 1, 2023
????: Jase Karl Ang via PIA Davao de Oro (Facebook) pic.twitter.com/5jyMr7wFVn
Minor damages, injuries sa ngayon
Ayon kay Office of Civil Defense spokesperson Bernardo Rafaelito Alejandro, patuloy na nagsasagawa ang OCD regional offices at local Disaster Risk Reduction and Management Office ng assessment, coordination at monitoring sa anumang developments sa epekto ng lindol.
"Only minor damage were reported as of reporting time, majority were residential houses," wika ni Alejandro sa mga reporters Huwebes ng umaga.
"Several minor injuries were reported (exact numbers yet to be determined)."
Sa kabutihang palad, hindi pa naman naaantala ang suplay ng kuryente, tubig at komunikasyon sa mga tinamaang lugar.
Pinaalalahanan naman ng OCD ang publiko patungkol sa kahalagahan ng "duck, cover and hold" protocol tuwing magkakaroon ng ganitong oras ng kagipitan pati na rin ang pagsunod ng lahat na National Building Code upang maiwasan ang karagdagang mga pinsala.
Una nang sinabi ng Phivolcs na inaasahan ang mga aftershocks matapos ang naturang lindol.
Pasok sa 2 probinsya suspendido
Dahil sa epekto ng lindol, sinuspindi na ng dalawang probinsya sa Mindanao ang pasok sa lahat ng pampubliko at pribadong eskwelahan sa Davao de Oro at Davao del Norte.
- Latest
