74% barangay sa Pinas, drug-free – PNP
MANILA, Philippines — Umaabot na sa mahigit 74% barangay sa buong bansa ang idineklarang drug-free.
Ito ang sinabi ni Philippine National Police (PNP) spokesperson Police Colonel Jean Fajardo bunsod na rin ng pinaigting na kampanya ng pamahalaan laban sa illegal drugs.
“As of November 15 po, nasa around 74.23% na po ‘yung na-clear nating barangay (we cleared around 74.24% of the barangays),” ani Fajardo .
Ayon kay Fajardo mula Hulyo1 hanggang Nobyembre 15, nasa 403 pang barangay ang drug-free dahil walang humpay ang kapulisan sa pagtutok sa mga personalidad at lugar kung saan sangkot sa bentahan ng iligal na droga.
Sinabi ni Fajardo na umaasa sila na mas dadami pang barangay ang drug free sa mga susunod na araw kasabay ng paglulunsad ng Buhay Ay Ingatan, Droga’y Ayawan (BIDA) program na pinaigting at holistic na kampanya laban sa illegal drugs.
Bukod dito, sinabi ni Fajardo na aabot sa 1.2 milyong indibidwal ang sumuko sa mga awtoridad kung saan natapos ang kanilang recovery at wellness program at community based programs.
- Latest