MANILA, Philippines — Nagpaabot ng pakikidalamhati si Pangulong Ferdinand Marcos Jr. sa pagpanaw ni Elizabeth II, na siyang reyna ng United Kingdom at 14 iba pang Commonwealth realms nito.
Huwebes nang mamatay habang nasa kanyang Scottish Highland retreat ang reyna, ang pinakamahaba sa kasaysayan ng mga Briton, sa edad na 96.
Related Stories
"It is with profound sadness that we receive the news of the passing of Her Majesty Queen Elizabeth II in Balmoral Castle yesterday evening," wika ni Bongbong sa kanyang Facebook post, Biyernes.
"She exemplified to the world a true monarch's great dignity, commitment to duty, and devotion to all those in her realm."
Giit ni Marcos Jr., bagama't hindi "subjects" ng reyna ang mga Pinoy at overseas Filipino workers sa England, minahal na raw ng mga nabanggit si Elizabeth II bilang reyna, ina at lola.
Mahaba ang kasaysayan ng pananakop ng British Empire, dahilan para pagharian pa rin nila ang mga British Overseas Territories at Commonwealth realms gaya na lang ng Australia, New Zealand, Canada, Papua New Guinea, Bahamas, atbp. kahit na may "soberanya" na ang ilan dito.
"The world has lost a true figure of majesty in what she demonstrated throughout her life and throughout her reign as Queen," panapos ni Bongbong.
Umakyat sa trono bilang hari ng mga nabanggit na teritoryo si King Charles III. — James Relativo