^

Bansa

Sindikato sa LRA, BI at BuCor hahabulin - DOJ

Danilo Garcia - Pilipino Star Ngayon
Sindikato sa LRA, BI at BuCor hahabulin - DOJ
Secretary of Justice Jesus Crispin "Boying" Remulla speaks in front of of DOJ employees during his first flag ceremony as justice secretary on July 4, 2022. In his speech Remulla has identified three attached agencies of the department that need their help.
Philstar.com / EC Toledo

MANILA, Philippines — Hahabulin at bubuwagin ni bagong Department of Justice Secretary Jesus Crispin “Boying” Remulla ang mga sindikato na namamayagpag umano sa Land Registration Authority (LRA), Bureau of Immigration at Bureau of Corrections.

Ito ang pangako ni Remulla sa kaniyang talumpati matapos ang una niyang “flag-raising ceremony” sa DOJ sa Padre Faura sa Maynila kahapon.  Sinabi niya na magiging puno ng aksyon ang kaniyang panunungkulan dahil sa paghahabol sa mga sindikatong ito.

“Unahin na natin ang LRA na kahapon, nung kine-kuwento sa’kin ng malapit na kaibigan na law practitioner, ikinuwento nya sa’kin ang aktibidad ng sindikato na naroroon na nananaig sa sistema ng LRA, sindikato na may tao sa halos lahat ng sa­ngay ng gobyerno,” ayon kay Remulla.

Partikular din umano niyang susugpuin ang kultura ng extortion, mga sangkot sa human trafficking at mga nagbibigay ng proteksyon sa Bureau of Immigration (BI).

Sinabi niya na nagsisilbing mukha ng bansa sa mga dayuhan ang BI na siyang “frontline organization” ng mga taong pumapasok at lumalabas ng bansa.  May tungkulin umano ang DOJ na protektahan ang imahe ng Pilipinas. 

Sa panig ng BuCor, sinabi ni Remulla na ang hindi mapahintong aktibidad ng mga sindikato sa loob ng mga kulungan ang patuloy na sumisira sa bansa.

“Ang rule of law ang manaig sa ating bansa. Tayo po ang frontline sa lahat ng ito, at kailangan po umandar ang sistema ng hustisya na walang kinikilingan, dapat pantay-pantay,” saad pa niya.

Nananawagan naman siya sa mga inabutang opisyal at tauhan ng DOJ na makipagtulungan at ibigay ang kanilang buong makakaya para sa ikahuhusay ng kanilang serbisyo.

 

LAND REGISTRATION AUTHORITY

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user