MANILA, Philippines — Wala pang indikasyon na nagpapakita ng resulta na may malalang sintomas ang Omicron variant kumpara sa mga naunang variant ng COVID-19.
Ito ang sinabi ni Director Michael Ryan, ng World Health Organization (WHO) kaugnay ng banta ng Omicron na sinasabing isang variant of concern at mas nakahahawa.
Anya, ang mga nagawang bakuna laban sa virus ay siguradong gagana at magbibigay proteksyon laban sa Omicron.
“We have highly effective vaccines that have proved effective against all the variants so far, in terms of severe disease and hospitalization, and there’s no reason to expect that it wouldn’t be so,” sabi ni Ryan.
Una nang inihayag ng WHO na walang dapat ikabahala ang mamamayan sa banta ng Omicron bastat palagiang mag-iingat at susundin ang health protocols para labanan ang pagkalat ng virus.