22.7 milyong bakuna darating ngayong Agosto
MANILA, Philippines — Aabot sa 22,726,060 doses ng bakuna ang parating sa bansa ngayong buong buwan ng Agosto.
Ayon kay Presidential spokesperson Harry Roque, sa nasabing bilang ay dumating na ang 415,000 doses ng AstraZeneca at kahapon din ay dumating ang 3,000,060 doses ng Moderna.
Sa unang linggo aniya ng Agosto ay may dumating na 1 milyong Sinovac bukod pa sa 813,150 Pfizer at 1,170,000 AstraZeneca.
Pinasalamatan din ni Roque ang China dahil sa donasyon na isang milyong doses ng Sinopharm
Mayroon ding inaasahan na 2 milyon doses na darating sa ikalawang linggo ng Agosto; tatlong milyon sa pangatlong linggo at; at 2,400,000 sa pang-apat na linggo.
- Latest