MANILA, Philippines — Maghahain na ng aplikasyon ang Department of Health para sa emergency use authorization (EUA) ng China-made Sinopharm vaccine sa Food and Drug Administration (FDA).
Nabatid na ipinag-utos ni Health Secretary Francisco Duque III ang paghahain ng EUA application para sa Sinopharm nitong weekend matapos na aprubahan ng World Health Organization (WHO) ang emergency use nito.
Ngayong aprubado na rin ng WHO ang Sinopharm ay nangangahulugan na maaari nang isama ang naturang COVID-19 vaccine sa COVAX Facility ang vaccine-sharing initiative na tumitiyak nang patas na distribusyon ng mga bakuna laban sa COVID-19.
Kabilang ang Pilipinas sa mga bansang nakikinabang sa mga bakunang ipinamamahagi ng COVAX.
Sa ngayon ay may ilang COVID-19 vaccine na ang napagkalooban ng EUA ng Pilipinas kabilang dito ang Pfizer-BioNTech, AstraZeneca, Sinovac, Sputnik V Gamaleya Institute, Bharat Biotech at Johnson & Johnson.