‘Emergency use’ ng Janssen, Covaxin aprub ng FDA
MANILA, Philippines — Inaprubahan na ng Food and Drug Admi-nistration (FDA) ang “emergency use application (EUA)” ng Covaxin at Janssen COVID-19 vaccines upang magamit din ang mga ito sa bansa.
Ang Covaxin ay gawa ng Bharat Biotech ng India habang ang Janssen naman ay gawa ng Johnson and Johnson.
Ayon sa FDA, ang Covaxin ay may 92% hanggang 95% na efficacy sa lahat ng lahi sa mundo.
Sinabi ni Indian Ambassador Shambhu Kumaran na handa ang India na magsuplay ng inisyal na batch na walong milyong doses ng bakuna para sa Pilipinas.
Pinasalamatan din ni Kumaran ang gobyerno ng Pilipinas sa pag-apruba sa EUA ng Covaxin sa isang Twitter post. Partikular niyang tinukoy ang Department of Health at si Department of Foreign Affairs Secretary Teodoro Locsin Jr.
“Thank you, Philippines? You have nothing to thank us for. We thank you, we owe you the lives of our loved ones who would otherwise die because of pure idiots,” sagot naman ni Locsin sa naturang tweet.
Ang Janssen naman na gawa ng US-based Johnson and Johnson ay isang single dose na bakuna na nag-aplay ng EUA noong Marso 31.
Sa kasalukuyan, ta-nging Sinovac at AstraZeneca pa lamang ang mga bakunang ginagamit sa “vaccination program” ng pamahalaan na nag-umpisa noong Marso.
- Latest