Robredo puwedeng magpaturok ng Sinovac – Malacañang
MANILA, Philippines — Mistulang hinamon kahapon ng Malacañang si Vice President Leni Robredo na magpaturok ng Sinovac vaccine mula sa China sa sandaling dumating na ito sa bansa.
Ayon kay Presidential Spokesperson Harry Roque, inaasahang darating na sa bansa ang Sinovac bago matapos ang buwan at puwedeng magpaturok si Robredo kung gugustuhin nito.
Ipinaalala pa ni Roque ang pahayag ni Robredo na magbo-boluntaryo siyang magpabakuna sa harap ng publiko.
“Kung gusto po ni Vice President, she is welcome to join also. At kung inyong matatandaan, sa kanyang mga naging pahayag sa media ay magbuboluntaryo naman po siya bilang isang Vice President,” ani Roque.
Ipinunto ni Roque na hindi pa naman senior citizen si Robredo kaya pasok pa ito sa mga puwedeng mabakunahan.
At tinanong po ang inyong lingkod ng mga miyembro ng MPC kung kasama sila sa unang mababakunahan sa age prioritization at pasok na pasok naman po si VP Leni. Hindi pa naman po siya senior,” ani Roque.
Matatandaan na naiba ang listahan ng mga prayoridad sa mga bibigyan ng bakuna na gawa ng Sinovac dahil hindi ito inirerekomenda sa mga health workers bagaman at puwede sa ibang frontliners katulad ng mga sundalo at may edad 18 hanggang 25 taong gulang.
- Latest