Bulkang Taal patuloy ang pag-aalboroto
MANILA, Philippines — Patuloy ang pag -aalboroto ng Bulkang Taal sa Batangas.
Sa tala ng Phil Institute of Volcanology and Seismology (Phivolcs) ang Taal Volcano ay nagkaroon ng 91 tremor episodes sa loob ng isa hanggang limang minuto sa nakalipas na 24 oras.
Mayroon namang mahinang paglabas ng kulay gray na usok mula sa Main Crater ng bulkan na may 5 metro ang taas. Umaabot ang taas ng temperatura sa Main crater lake sa 77.1°C at pH na 1.59 gayundin ay may ground deformation parameters sa Volcano Island at bahagyang deflation sa bunganga ng bulkan.
Nananatili namang nasa Alert Level 1 (Abnormal) ang Taal Volcano na nangangahulugan ng banta ng pagsabog, minor ashfall at volcanic earthquakes.
Patuloy ding bawal pumasok ang sinuman sa Taal’s Permanent Danger Zone lalo na sa may bisinidad ng Main Crater ng bulkan at Daang Kastila fissure.
Pinapayuhan ang mga tao doon na doblehin ang pag-iingat dahil sa ground displacement sa may fissure ng bulkan, pagluwa ng asupre, pagbagsak ng abo mula sa bunganga ng bulkan at pagyanig.
- Latest
