MANILA, Philippines — Pinatawan ni Om-budsman Samuel Martires ng anim na buwang preventive suspension ang 44 empleyado ng Bureau of Immigration (BI) na umano’y sangkot sa pastillas scheme.
Sinasabing ang modus ng mga nabanggit ay ang pagpapasok ng mga Chinese natio-nals sa Pilipinas bilang turista at saka gagawing empleyado sa Philippine Offshore Gaming Operations (POGO) hubs.
Sinasabing binayaran ang ilang Immigration personnel at Chinese at Filipino travel agencies ng P10,000 na nasa loob ng nakatuping bond paper na mistulang pastillas.
Noong Setyembre, nagsampa na ng kasong kriminal ang National Bureau of Investigation laban sa 19 tauhan ng BI na umano’y sangkot sa naturang modus.
Ang suspension ay ginawa ng Ombudsman laban sa mga BI personnel upang hindi maimpluwensiyahan ang gagawin nilang pagbusisi hinggil sa naturang anomalya.