Sen. Revilla positibo sa COVID-19
MANILA, Philippines — Nagpositibo sa COVID-19 si Sen. Ramon “Bong” Revilla Jr.
Ayon kay Revilla, sumailalim siya sa test matapos na isa sa kasama nila sa bahay at staff ang nagpositibo sa nasabing virus.
Idinagdag pa ng senador na nagpunta siya sa Senado noong Martes sa ika-40 araw ng kamatayan ng kanyang ama na si dating Sen. Ramon Revilla Sr.
Kaagad naman umanong sumailalim sa self quarantine ang senador base na rin sa payo ng kanyang doktor habang patuloy pa rin siyang minomonitor nito.
Negatibo naman umano sa nasabing virus ang kanyang asawa at mga anak.
- Latest