Kahit napakainit, 'low pressure area' posible pumasok ng PAR mamaya
Namataan ang isang low pressure area 1,275 kilometro silangan-timog-silangan ng Davao City kaninang alas-tres ng madaling araw, ayon sa ulat ng PAGASA, Huwebes.
Video grab mula sa Facebook ng PAGASA
Kahit napakainit, 'low pressure area' posible pumasok ng PAR mamaya
James Relativo (Philstar.com) - May 7, 2020 - 11:05am

MANILA, Philippines — Nagbabadyang lumapit ng Mindanao ang isang sama ng panahon sa gitna ng mainit na temperaturang umiiral sa malaking bahagi ng Pilipinas.

Namataan ang isang low pressure area 1,275 kilometro silangan-timog-silangan ng Davao City kaninang alas-tres ng madaling araw, ayon sa ulat ng PAGASA, Huwebes.
                        
"Ito ay posibleng makapasok na ng PAR ngayong gabi, o bukas nang madaling araw," sabi ni Ariel Roxas, weather specialist ng gobyerno.

"[I]to ay kumikilos pa-hilagang kanluran, at posibleng lumapit sa kalupaan ng Mindanao."

 

Bagama't mababa ang tiyansang maging bagyo, tinatayang makararanas ng mga localized thunderstorms sa Kabisayaan at Mindanao pagsapit ng hapon hanggang gabi.

Sa kabila ng mga pag-ulan, inaasahang magiging mainit pa rin at maalinsangan ang mga naturang lugar ngayong araw.

Umiiral ngayon ang "ridge" o extension ng high pressure area sa hilaga at gitnang bahagi ng Luzon, kasabay ng "easterlies," o mainit at maalinsangang hangin galing Dagat Pasipiko 

Ang easterlies ay nakaaapekto sa ibang bahagi ng bansa, dahilan para makaranas ng mataas na temperatura ang maraming lugar.

Tinatayang aabot sa 37°C sa Metro Manila ngayong araw habang 39°C sa Tuguegarao, na nakikitang pinakamainit na temperatura sa buong Pilipinas ngayong Huwebes.

Aabot naman 'yan sa 36°C sa Cebu habang 35°C naman ito sa Zamboanga. 

Martes nang maitala ang 37.3°C na init sa Metro Manila na sinasabing pinakamainit na temperatura sa Kamaynilaan ngayong 2020, ayon sa organisasyong Earth Shaker.

DRY SEASON LOW PRESSURE AREA MINDANAO PAGASA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with