Tapos ng tubig, kuryente naman sisilipin ni Duterte
MANILA, Philippines — Matapos masilip ni Pangulong Rodrigo Duterte ang concession agreement na pinasok ng pamahalaan at ng dalawang water concessionaires, inihayag ng Palasyo na may mga isusunod pang sisilipin ang Punong Ehekutibo.
Ayon kay Presidential Spokesman Salvador Panelo, posibleng isunod na ng Pangulo ang usapin sa binabayarang konsumo sa kuryente ng mga consumers.
Ito’y sa gitna pa rin ng pagnanais ng Pangulo na mabigyan ng proteksiyon ang mga consumers na kumokonsumo ng mga pangunahing pangangailangan sa araw-araw.
Sinabi ni Panelo na hindi palalampasin ng Pangulo ang anumang makikita nitong iligal at kung saan ay talo o agrabyado ang consuming public.
Iisa-isahin ng Presidente ang mga napasok na kontrata ng gobyerno na nasimulan na sa tubig na dito ay inaasahan nang isusunod ang tungkol sa kuryente, transportasyon, telekomunikasyon at iba pa.
- Latest