Krisis sa basura, di mareresolba ng gobyerno lang – DENR
MANILA, Philippines — Hindi kakayanin ng gobyerno kung solo lamang nitong reresolbahin ang krisis sa basura sa ating bansa.
Ito ang sinabi ni DENR Undersecretary for Solid Waste Management and Local Government Units (LGU) Concerns Benny Antiporda kaugnay ng
deklarasyon ni DENR Roy Cimatu na ang ating bansa lalo na ang Metro Manila ay nasa gitna na ng garbage crisis.
“Solid waste management is not the government’s responsibility alone, it is everyone’s business,” pahayag ni Antiporda na siya ring chairman ng National
Solid Waste Management Commission (NSWMC).
Kaugnay nito, nanawagan si Antiporda sa publiko at sa lahat ng stakeholders upang sama-samang lutasin ang problema sa basura sa bansa.
“We shouldn’t wait for the time when there are more trash than fish in the ocean,” sabi pa ni Antiporda.
Hiniling din nito sa publiko na tulungan ang pamahalaan na maiwasan ang paglala ng problema sa basura sa bansa sa pamamagitan ng pagsasagawa
ng tamang waste segregation at disposal at hindi itatapon ang kanilang basura sa kung saan saang lugar lamang.
Hindi rin anya magiging matagumpay ang isinasagawang rehabilitasyon ng pamahalaan sa Manila bay kung walang naipatutupad na epektibong solid
waste management sa iba’t ibang lokalidad sa palibot ng naturang baybayin.
- Latest