MANILA, Philippines — Hindi Chinese vessel ang umano’y dumaong sa isa sa mga resort sa Subic, Zambales.
“Upon verification by our law enforcement agencies: the Coast Guard and the PNP maritime unit, it was found out that the vessel is actually a yacht owned by a businessman based in Subic,” paglilinaw ni Defense Sec. Delfin Lorenzana sa ulat na isa umanong Chinese vessel ang naispatang nakadaong sa isang resort sa Subic.
Sinabi ni Lorenzana na ang naispatang yate ay dating Japanese research and survey vessel na Tankai Maru at pag-aari ng isang Belgian businessman.
Ang nasabing makasaysayang barko ay nai-convert na sa motor yacht kung saan maraming turista ang pumupunta sa Subic upang makita ito.