2 ex-general, isa pa itinalaga sa BoC

MANILA, Philippines — Dalawang retiradong heneral at isang nasangkot sa illegal drug shipment ang itinalaga ni Pangulong Rodrigo Duterte bilang deputy commissioners ng Bureau of Customs.

Kabilang sa itinalaga ni Pangulong Duterte sina Raniel Ramiro, Vener Sia Baquiran at Donato Belmonte San Juan bilang BoC deputy commissioners.

Si Baquiran ay dating Manila International Container Port district collector na tinanggal ni dating Customs Chief Isidro Lapeña noong 2018 dahil sa dalawang insidente ng drug shipment.

Si Ramiro ay dating acting head ng Customs’ Intelligence Group habang si San Juan ay deputy commissioner for Customs’ Internal Administration Group. Si San Juan dating superintendent ng Philippine Military Academy.