Digong wala pang napipiling Human Settlements chief
MANILA, Philippines — Wala pang napipiling kalihim ng Department of Human Settlements and Urban Development (DHSUD) si Pangulong Duterte.
Ayon sa Pangulo, kakausapin muna niya sina Senate President Vicente Sotto III, Speaker Gloria Macapagal-Arroyo at Sen. Aquilino “Koko” Pimentel III.
Sabi ng Pangulo na mas mabuting gusto ng mga nabanggit ang ilalagay niya sa puwesto.
“Mabuti ‘yang gusto nila ‘yung tao para he can receive the --- a better reception, you know kung kilala nila ang tao,” sabi ng Pangulo.
Matatandaan na nilagdaan ng Pangulo ang Republic Act 11201 noong Pebrero 14 kung saan pagsasama-samahin ang mga ahensiya ng gobyerno tungkol sa pabahay.
Kabilang dito ang Housing and Urban Development Coordinating Council at Housing and Land Use Regulatory Board.
Layunin ng panukala na makapagbigay ng murang pabahay sa mga Filipino lalo na sa mga mahihirap na wala pang bahay.
- Latest