War on drugs tagumpay - PNP
Sa survey na kumonti na ang adik
MANILA, Philippines — Patunay lamang umano na tagumpay ang kampanya ng gobyerno laban sa droga dahil sa mayorya ng mga Filipino ang naniniwala na kumonti na ang gumagamit ng iligal na droga sa kanilang mga lugar.
Ito ang pahayag ni PNP spokesman Senior Supt. Bernard Banac, matapos ilabas ang resulta ng SWS survey kung saan 66% ng mga Pinoy ang nagsabi na kumonti ang mga drug addict sa kanilang mga lugar.
Paliwanag ni Banac, patunay lamang umano ito na patuloy na kampanya laban sa iligal na droga ay humihikayat sa mga drug dependent na tumigil sa paggamit nito at nagiging dahilan din ng pagkonti ng bilang ng krimen sa buong bansa kaya nagkakaroon ng ligtas na komunidad ang publiko.
Sinisiguro umano ng PNP sa publiko na patuloy nilang gagawin ang kanilang mandato sa ilalim ng batas at respeto sa karapatang pantao ng bawat isa.
- Latest