MANILA, Philippines — Isinulong ni Senator Sonny Angara ang pagbuo ng isang departamento na tututok sa kapakanan ng senior citizens. Sa Senate Bill 2099 na inihain ni Angara, nais nito na magkaroon ng Council for the Welfare of Senior Citizens o CWSC na pangangasiwaan ng Tanggapan ng Pangulo.
Tungkulin ng departamento na bumuo ng mga programa para sa promosyon ng kapakanan ng mga nakatatanda at tiyakin na naipagkakaloob sa kanila ang mga kaukulang benepisyo at napangangalagaan ang kani-kanilang karapatan.