Martial Law extension sa Mindanao, inaaral pa ng AFP
MANILA, Philippines – Posibleng sa Disyembre ay irekomenda na ng Department of National Defense kay Pangulong Duterte kung palalawigin pa o ipatitigil na ang umiiral na Martial Law sa Mindanao.
“Ongoing pa assessment, we will submit on next mid December (this year),” ani Lorenzana na iginiit na ang posibleng pagpapalawig o tuluyang pag-aalis sa martial law ay depende sa irerekomenda ng militar.
Nabatid na nakatakdang magpaso ang Martial Law extension sa Mindanao sa darating na Disyembre.
Sa kasalukuyan, patuloy ang assessment ng mga ground commanders ng Armed Forces of the Philippines (AFP).
Nilinaw din ni AFP Public Affairs Office Chief, Col. Noel Detoyato na tuloy-tuloy lang ang kanilang pag-review sa umiiral na sitwasyon sa Mindanao.
Ayon kay Detoyato, simula day one ng pagpapatupad ng Martial Law ay regular na ina-assess ng kanilang mga field units ang security situation sa lugar.
Sa ngayon aniya ay walang timeline ang militar sa pagsusumite ng rekomendasyon sa Pangulo ukol sa pagpapalawig ng Martial Law sa Mindanao.
Una nang sinabi ng Malacañang na depende sa rekomendasyon ng AFP kung palalawigan pa ang Martial Law.
- Latest
